Се продаваат парцели во индустриската зона Караслари
Слободните парцели во индустриската зона Караслари се ставени на продажба. Од кокалната самоуправа очекуваат продажба а граѓаните можност за вработување...
Шест парцели од индустриската зона Караслари општина Велес стави на продажба. По почетна цена од едно евро за метра квадратен се продаваат вкупно 90.149 квадратни метри. Ден по објавениот оглас, продажбата е тема број еден кај велешани. Очекувањата се покрај германски Маркард, зоната да ја развиваат повеќе странски отколку домашни инвеститори.
„Доколку има заинтересирани странски инвеститори можно е, од домашни не очекувам“
„Домашни мислам деека нема да има многу, странските имаат повеќе поволности“
„Се надевам,... што тоа за Велес би значело?... Повеќе вработувања подобра иднина за градот“, велат анкетираните велешани.
Гласините дека шест парцели ќе бидат продадени се реални велат од локалната самоупрва, потенцирајки ја атрактивноста на зоната и интерес кој во изминатите неколку месеци го пројавиле домашни и странски инвеститори.
„Очекуваме дека сите парцели ќе бидат продадени, истовремено морам да искажам задоволство од заинтересираноста на домашните и странски инвеститори за постоечката актуелна зона Караслари“, рече Славчо Чадиев, градоначалник на општина Велес.
Дали парцелите ќе се продадат и кој ќе бидат идни сопственици ќе се знае околу 20-ти август.
Информацијата за продажбата на парцелите во ИЗ Каласлари за Велес значи нова можност за отварање на нови работни места додека за локалната самоуправа покрај решавање на проблемот со невработеноста значи и повеќе пари во локалниот буџет.
Општина Велес покрај продажбата на плацовите во зоната Караслари на продажба стани и пет парцели во населбата Тунел наменети за изградба на објекти за мало стопанство и пет плацеви за изградба на куќи за домување.
Дијана Иванова