Од денеска пониски маржи на дел од основните прехранбени производи
Потрошувачката кошница станува попристапна за граѓаните. Од денеска се очекува производите да се продаваат со пониски маржи за 10 проценти. На листата која ја објави Министерството за економија и труд се наоѓаат основните прехранбени производи...
Лебот, млекото и млечните производи, оризот, маслото за јадење, сите видови зеленчук и овошје, месото и месните производи, отсега ќе се продаваат со пониски маржи за 10%. Есенската кошница се очекува да биде во сила. За бизнисмените оваа мерка е добра и ќе им помогне на граѓаните, но тоа не може да е трајно. Велат, потребни се мерки на подолг рок, за да нема ценовни осцилации.
И од ОПМ ја поздравија мерката, но апелираат до граѓаните при купување на секој производ да отворат четири очи, оти трговците знаат да манипулираат со рокот на производот.
И покрај многубројните реакции, голем дел од граѓаните се надеваат дека Владата ќе продолжи со активности за стабилизирање на цените на храната.
Борис Грујоски