Врнежите предизвикаа поплави во повеќе држави низ Европа

Изобилните врнежи предизвикаа поплави во делови од Англија и Велс. Патишта и куќи се поплавени во централна и јужна Англија. Нови врнежи од дожд се очекуваат во делови од Шкотска.

Стариот континент и натаму ги санира штетите од поплавите изминатите денови, предизвикани од бурата „Борис“.

Во Италија спасувачите трагаат по 5-месечно бебе и неговата баба кои се водат за исчезнати по обилните дождови во близина на Пиза.

Се очекува невремето да ги зафати и Албанија и западна Грција.