Владимир и Иман сведочат за ужасот од нападите со пејџери и воки-токи во Бејрут

Не пречекаа во својот дом во Скопје, каде штотуку пристигнаа од Бејрут. Со вознемиреност ни раскажаа за ужасот предизвикан од нападите со пејџери и воки-токи. Владимир Алексов и неговата сопруга Иман, велат, никогаш претходно не виделе за само два дена стотици мртви и илјадници повредени, најмногу, за жал, цивили. Меѓу нив доктори, медицински сестри инженери кои најчесто ги користат пејџерите.

Во Либан воки-токи користат речиси сите луѓе, но тажно е што најмногу настрадале деца.

И патувањето во земјава не било лесно. Кога сакале да го напуштат Либан, веќе многу компании ги откажале летовите. Тие и така имале во план да отпатуваат, но билетите им биле за подоцна, а компанијата која им ги издала имала забрана до 5-ти октомври.

Иман, чии сонародници се под закана за војна, се надева дека нема да се прошири повеќе, пред сè поради стратешката поставеност на Либан и напорите на меѓународната заедница. Но, сепак е резервирана во однос на постапките на Израел кој веќе ја прошири војната од јужната граница кон внатрешноста.

Фиљана Кока