Албанија се издвојува од пакетот со Северна Македонија, на 15-ти октомври ги почнува преговорите со ЕУ

Амбасадорите на земјите членки на Европската унија на состанокот во Брисел едногласно одлучија да се одржи втора меѓувладина конференција со Албанија на 15-ти октомври во Луксембург. Грција нотирала дека ги решила спорот и го подигнала ветото за продолжување на преговорите со Албанија.

Со ова Албанија се издвојува од пакетот со Северна Македонија и ќе почне со отворање поглавја од првиот кластер – темели. На состанокот воопшто не било дискутирано за продолжување на преговорите со Северна Македонија, која не го исполни условот од преговарачката рамка за уставни промени.