Муцунски: Секогаш ќе бидеме на линија со надворешната политика на САД

Ние секогаш ќе бидеме на линија со надворешната политика на САД, бидејќи сметаме дека е вистинската надворешна политика што обезбедува мир во светот и зачувување на светскиот поредок. Мораме да најдеме мир и ги сметаме САД за клучна нација во постигнувањето на мирот. Ова го истакна шефот на македонската дипломатија Тимчо Муцунски за американската телевизиска мрежа Њусмакс.

„Клучен момент кој сакам да го потенцирам е што има промена на перцепцијата, особено изминативе месеци. Среќен сум што, не сите, но се повеќе и повеќе нации говораат за мир. Клучниот договор е да се најде дипломатско решение, секако не по секоја цена. Во основа доаѓам од регион на кој му треба принципот на меѓународното право. Потребн ни е мир, потребно е дипломатско решение, но решение кое нема да дозволи една земја билатерално да го уништи територијалениот интегритет и сувернитет на друга нација“, изјави шефот на дипломатијата Муцунски.