Хоспитализиран еден од обвинетите за двојното убиство
Боре Видевски, еден од обвинетите за убиствата на 14-годишната Вања Ѓорчевска и на 74-годишниот Панче Жежовски е префрлен на Клиниката за Хефрологија.
Велешанецот Боре Видевски, еден од обвинетите за убиствата на 14-годишната Вања Ѓорчевска и на 74-годишниот Панче Жежовски е префрлен на Клиниката за Хефрологија. Според неговиот адвокат тој се наоѓа во тешка здравствена состојба и подолго време се жалел на болки. Видевски инаку има трансплантиран бубрег.
Од декември лани е во притвор во затворот во Шуто Оризари. Следното рочиште за случајот е закажано за 7 -ми октомври, кога како сведок е повикана Зорица Ѓорчевска, како и роднини на Жежовски.
На првото рочиште, обвинението беше споено за првообвинетиот Љупчо Палевски и 4-та за соучесништво и помагање, меѓу кои и таткото на Вања, Александар Ѓорчевски.