Почна новата академска година

Почна нова академска година, но со помал број бруцоши. Најголем интерес за студирање има на природно-техничките факултети, но и на најбараниот факултет-ФИНКИ има над 300 студенти помалку од лани.

Професорите им посакаа успех на студентите и ветија подобри услови за студирање.

Од 15 илјади матуранти, на универзитетот „Свети Кирил и Методиј“ се запишале околу 10 илјади бруцоши.

Иселувањето и помалиот наталитет се причина за опаѓање на бројот на студенти.

Голем број од новозапишаните студенти иднината ја гледаат во странство.

Ирина Гелевска