Филипче контра Мицкоски за остварените резултати

Добивме влада од која досега слушаме само изговори и обвинувања на претходниците за секоја своја неспособност. Влада која врши партизација со некомпетентни кадри и секојдневни скандали на министрите – вака лидерот на СДСМ Венко Филипче ги образложи првите 100 дена од работата на владиниот состав предводен на ВМРО-ДПМНЕ.

Мицкоски ветуваше професионална администрација, повисоки плати, силна борба со криминал и корупција, мудра надворешна политика која ќе на направи повторно горди. Но неисполнувањето на големите ветувања носи и големи разорувања – посочува Филипче.

Првиот социјалдемократ смета дека владата на Мицкоски ја оддалечи земјата од евроинтеграциите, а дека информациите за дестабилизација се само политика на дефокус.

СДСМ имаше грешки во минатото. Се консолидира партијата од тешкиот пораз на изборите кој според Филипче е резултат на големите ветувања на ВМРО-ДПМНЕ а досега не се остварени.

Миле Ристески