Клаудија Шејнбаум инаугурирана како прва жена претседател на Мексико
„Време е за промени, а време е и за жени“-изјави Шејнбаум на свеченото полагање заклетва. 62-годишната претседателка планира да ја продолжи програмата на Обрадор следејќи ги сопствените приоритети...
Клаудија Шејнбаум е инаугурирана како прва жена претседател на Мексико, наследувајќи го левичарскиот популист Андрес Мануел Лопез Обрадор.
„Време е за промени, а време е и за жени“-изјави Шејнбаум на свеченото полагање заклетва. 62-годишната претседателка планира да ја продолжи програмата на Обрадор следејќи ги сопствените приоритети.
Нејзините први задачи се да се справи со вонредната состојба предизвикана од ураганот Џон кој усмрти десетици луѓе и остави големи области под вода, како и со моќните нарко-картели во земјата и тензиите околу миграцијата и трговијата со САД.