Малолетник загина во сообраќајна незгода на магистралниот пат Куманово-Крива Паланка

15 годишен малолетник од Куманово загина во сообраќајна незгода. Незгодата се случила синоќа на магистралниот пат Куманово-Крива Паланка. Според информациите на кумановската полиција патничко моторно возило БМВ со албански национални ознаки, и мотоцикл „јамаха“ управувано од малолетник од Куманово.

Во незгодата, од здобиените повреди на местото починал 15 – годишен сопатник на мотоциклот, а смрт констатирал лекар од Итна медицинска помош. Додека, 16 – годишниот возач на мотоциклот се здобил со тешки телесни повреди, констатирани во болницата во Куманово.

Увид на местото на несреќата извршиле екипа од СВР Куманово и јавен обвинител, по чија наредба телото на починатиот е дадено на обдукција. Возачот на патничкото возило бил лишен од слобода, а возилото и мотоциклот биле предадени на вонреден технички преглед.