Интензивирани нападите меѓу Израел и Хезболах

Силни експлозии повторно го потресоа Бејрут. Израел ги засили воздушните напади против лидерите на Хезболах. Мета бил и можниот наследник на Хасан Насралах, Хашем Сафиедин. Хезболах обвини за напади врз цивили и за кршење на Меѓународното право.

Во исчекување на одговорот на Тел Авив на иранскиот напад, во Техеран – редок говор на ајатолахот Хаменеи за време на петочната молитва. Тој рече дека Иран и сојузниците нема да се повлечат пред Израел, каде според него има вампирски режим и го оправда ракетниот напад.

Меѓународната заедница повика на дипломатско решение за кризата на Блискиот Исток.