Пирамидалната шема „Конти“ ги „олесни“ џебовите на македонските граѓани, Тошковски апелира на внимателност
Засега ниту еден непријавил во МВР дека бил жртва на измама, информираше министерот Тошковски кој изрази загриженост за ваквиот вид криминал поврзан со потенцијална инвестиција...
Пирамидалната шема „Конти“ за брза заработка ги „олесни“ џебовите на над 10.000 македонски граѓани. Засега ниту еден непријавил во МВР дека бил жртва на измама, информираше министерот Тошковски кој изрази загриженост за ваквиот вид криминал поврзан со потенцијална инвестиција. Апелираше граѓаните да бидат внимателни и веднаш да пријават.
Во 6.000 полициски контроли пак, биле приведени 130 лица, дел од нив и избегани затвореници и лица барани со потерница. Тошковски реферираше за сработеното, вели во МВР, затекнал хаос и тотална негрижа. Полицајци без униформи, хаос со издавање на лични документи, руиниран центар за обука, 8.000 тужби за неисплатена хранарина за што ги обвини неговите претходници. Тврди дека дел од проблемите се надминати и најави дека ќе се формира ново средно полициско училиште. Тошковски вели, почната е борбата против корупцијата и во редовите на МВР.
Во борбата со пожарите полициските хеликоптери имале 355 летечки часа, истурени над 3.400 тони вода. МВР планира отворање и на две полициски станици во Кисела Вода и Бутел.
Викторија Милевска