Годинава повисоки плати за наставниците

Министерството за образование ќе најде пари за да ги покачи платите на наставниците. Финишираат преговорите со Синдикатот за образование и наука. До крајот на неделататреба да се знае за колкав процент ќе пораснат примањата на просветарите.

Од СОНК очекуваат повисоките примања просветните работници да ги добијат веќе од идниот месец, а платите да растат континуирано во наредните четири месеци. Покрај покачувањето се очекува МОН и синдикатот да потпишат и колективен договор.

За 7 години 17.000 деца помалку во училиштата, a 3.000 наставници повеќе. Поразителна статистика и со знаењето на македонските ученици на тестирањата. Според Јаневска на децата имаат 900 часови помалку во наставата, а со знаењето се зад нивните врсници од европските држави. Јаневска планира воведување и на целодневна настава.

Светска банка заедно со Министерството ќе анализираат каде ќе треба да се изградат нови објекти, за во сите училишта да биде воведена една смена.

Викторија Милевска