Приведен крадец во прилепско

На 06.10.2024 во 16.20 часот кај место викано „Долно Шилево“, прилепско, полициски службеници од ОВР Прилеп го лишиле од слобода С.Џ.(40) од Прилеп, информираат од МВР.

Тој бил затекнат при извршување „тешка кражба“ во викенд куќа, сопственост на В.С. од Прилеп, при што одзел повеќе предмети. Одземеното било пронајдено и ќе биде вратено на сопственикот.

По целосно документирање на случајот, против него ќе биде поднесена соодветна пријава, стои во соопштението.