Продолжува израелската офанзива во Либан и во Газа
Милитантните групи поддржани од Иран, возвраќаат. Израелскиот одговор врз Техеран на неодамнешниот ракетен напад би бил смртоносен и изненадувачки, вели министерот за одбрана Галант...
Продолжува израелската офанзива во Либан и во Газа. Милитантните групи поддржани од Иран, возвраќаат. Израелскиот одговор врз Техеран на неодамнешниот ракетен напад би бил смртоносен и изненадувачки, вели министерот за одбрана Галант.
„Ги видовте нападите што ги направија Иранците против нас пред кратко време. Овие напади беа агресивни, но не успеаја бидејќи не беа прецизни. Нашиот напад ќе биде смртоносен, прецизен и пред сè изненадувачки. Тие нема да разберат што и како се случило но ќе ги видат резултатите“, изјави Јоав Галант, министер за одбрана на Израел.
Претседателот Џо Бајден и израелскиот премиер Нетанјаху разговараа првпат во последните седум недели, во момент кога Израел го проширува копнениот упад во Либан и размислува како да одговори на неодамнешниот ирански напад со балистички ракети.
„Она што можам да ви кажам е дека тие имаа дискусија и ја продолжија својата дискусија за одговор на нападот на Иран. Двајцата лидери имаа продуктивен, директен, искрен разговор“, изјави Карин Жан-Пјер, портпарол на Белата куќа.
Од кабинетот на израелскиот премиер Нетанјаху соопштија дека разговорите со американскиот претседател Бајден и американската потпретседателка Харис траеле вкупно 50 минути, без да ги прецизираат заклучоците.