Ураганот „Милтон“ удри на Флорида, регистрирани првите жртви

Западниот брег на Флорида на удар на ураганот Милтон. Силен ветер и дожд ја зафати сојузната држава, се стравува од појава на опасни поплави. Властите велат дека најлошото од „Милтон“ можеби ја помина Тампа, но сепак е премногу опасно да се излезе надвор.

Паднатите далноводи и другите опасности лесно може да станат фатални, вклучително и езерца на улиците кои се многу подлабоки отколку што изгледаат.

Стотина станбени објекти се уништени. Регистрирани и првите жртви. Повеќе од два милиона луѓе останаа без електрична енергија. Околу 9.000 припадници на Националната гарда се на терен.

Претседателот Бајден побара граѓаните да останат на безбедно. Ова е втор ураган на Флорида за само две недели, по „Хелена“, која однесе десетици жртви.