Доделена државната награда „11 Октомври“
Во Собранието доделена државната награда „11 Октомври“. Наградата за животно дело во областа на културата и уметноста им е врачена на Љупчо Каров, мултимедијален уметник, Владимир Темков, академски сликар и Јовица Михајловски, драмски актер и продуцент, додека во областа на науката на проф. д-р Марко Китевски, истражувач на македонскиот фолклор.
Д-р Марко Китевски истражувач на македонскиот фолклор доби награда за животно дело во областа на науката. Другите добитници на државната награда „11 Октомври“ се мултимедијалниот уметник Љупчо Каров, академскиот сликар Владимир Темков и драмскиот уметник и продуцент Јовица Михајловски.
Претседателката на одборот за доделување на наградите Јованова-Грујовска истакна дека ова највисоко признание за животно дело е поради нивното 40-годишно присуство во општествениот живот, тие се пример за младите генерации, а нивните дела се меѓународно признати.
Љупчо Каров во име на сите се заблагодари за добиените награди, кои како што рече се резултат на многу љубов, добри намери и чесен пристап кон државата.
Одборот за доделување на наградата „11 Октомври“ ја донесе одлуката за годинашните добитници на седница одржана на 11-ти септември.
Марина Стојанова-Тонева