Недостасуваат згрижувачки семејства во Прилеп
Дали исчезнува емпатијата во општеството? Речиси да нема нови семејства кои би се пријавиле да згрижуваат деца и лица без родителска грижа. Прилеп беше во петте општини со најголем интерес. Што се случува?
Прилепчанката Соња Јакелиќ е 20 години згрижувач. Моментално се грижи за две деца на девет и пол и на 14 годишна возраст. Љубовта, емпатијата, грижата за напуштените деца е пресудна, зашто финансиски со своите деца и сопругот е ситуирана. Токму тоа им го препорачува на сите за да подарат љубов и грижа. Ова го наследила од својата мајка како згрижувач.
Прилеп беше меѓу првите градови во згрижувањето деца. Од 30 згрижувачки семејства сега се 21. Во 18 од нив се згрижени 25 деца. Дали се намалува емпатијата на општеството?
Во земјава се 300 згрижувачки семејства. Згрижувањето деца и лица се посебна професија и семејна грижа. Емпатијата на општеството мора да се поттикнува.
Елизабета Митреска