Лиценци за проценители на тутун
За да можат да бидат присутни на секоја вага за време на откупот на тутунот, проценителите мора да имаат лиценци. Пријавувањето за испитот траеше до 30-ти септември, а полагањето и проверката на стручноста ќе се врши во Институтот за тутун во Прилеп на 21-ви и 22-ри овој месец …
Кандидатите кои се пријавија за добивање на лиценци за проценка на тутунот, треба да посетуваат обука на 16-ти и 17-ми октомври и да добијат потврда од Институтот за тутун во Прилеп.
Полагањето ќе биде на 21 и 22 овој месец со претходна уплата за трошоците за обуката и за испитот.
Идните проценители мора да имаат завршено најмалку средно училиште.
Оние кои немаат соодветно образование треба да се производители на тутун најмалку во последните пет години и треба да достават документ или потврда за откуп на тутунот од претпријатието со кое склучувале договори.
Тутунарите кои немаат соодветно образование треба да приложат и потврда од фирмата за работно искуство во областа на технологијата за производство и обработка на тутун.
Со високо образование треба да имаат две, со вишо три, а со средно четири години работен стаж.
Според Законот за тутун на секоја вага каде што се врши откуп треба да има лиценцирани откупувачи за проценка на тутунот.
Методија Трајков