Најавена помош за обнова по ураганот Милтон

Претседателот Бајден изврши обиколка на погодените региони од ураганот Милтон најавувајќи помош од 680 милиони долари за обновување на електричната мрежа и стопроцентен надомест за расчистување на отпадот.

„Претседателот ни одобри 100% надомест за отстранување на отпадот за 90 дена. Треба да го искористиме тоа“, изјави Рон Де Сантис - гувернер на Флорида.

Во погодените области продолжи дистрибуцијата на храна за стотици илјади раселени луѓе на источниот брег на Флорида кои беа погодени од ураганот.