Повисоки цени на горивата од полноќ

Од ноќеска на полноќ горивата ќе се продаваат по нови, повисоки цени, одлучи Регулаторната комисија за енергетика. Цената на бензините се зголемува за два ипол денари за литар, додека дизел-горивата поскапуваат за два денари.

Од полноќ литар бензин БС-95 ќе се продава за 78 денари, бензинот БС-98 ќе чини 80 денари за литар, а дизелот ќе се продава за 70,5 денари за литар.

Екстра лесното масло за домаќинство поскапува за два денари за литар и тоа ќе се продава по 70,5 денари за литар.

Со одлуката на РКЕ од полноќ за 0,473 денари за килограм се зголемува цената на мазутот и ќе се продава за 44,507 денари за килограм.