Во тек е електронско пријавување за бесплатна вакцинација против сезонски грип

Во тек е електронско пријавување за бесплатна вакцинација против сезонски грип за 2024/2025 година.

Сите граѓани кои се заинтересирани може да се пријават на веб-страницата vakcinacija.mk.

- Вакцинација против сезонски грип е најефикасна мерка за превенција на грип, која спречува појава на потешки форми, компликации и смртен исход особено кај ризичните групи. Вакцинацијата против сезонскиот грип е незадолжителна, по желба на граѓанинот – велат од Министерството за здравство.

Бесплатната вакцинација против сезонски грип е наменета за следните ризични групи:

-Стари лица (над 65 години);

-Лица со хронични заболувања;

-Здравствени работници;

-Бремени жени;

-Деца на возраст од 6 месеци до 5 години;

Со пополнување на формата се регистрирате за вакцинација директно во системот Мој Термин. Согласно распоредот предвиден во планот за вакцинација, од Министерството додаваат дека по пат на СМС граѓаните ќе добијат информација за точниот датум и час кога треба да се вакцинирате на пунктот кој ќе го изберат при регистрацијата.