За една недела завршуваат мерките од есенската кошничка
Синдикалната кошничка за октомври „олеснила“ за 57 денари. Мерките од есенската кошничка истекуваат. Колку ќе помогне Законот за нефер трговски практики?...
Што ќе ја олесни синдикалната кошничка? Според пресметките, октомвриската е полесна за 57 денари од септемвриската.
За една недела завршуваат мерките од есенската кошничка за 72 производи. Граѓаните скептични. Допрва треба да се видат резултатите од Законот за нефер трговски практики кој правно живее неполн месец. За потрошувачите е битен и минималецот за да ја олесни кошничката.
Министерството за економија и труд го следи спроведувањето на Законот за нефер трговски практики кој опфаќа 2.500 производи со ограничена профитна маржа на 10 проценти. Сега е мониторинг процес, по Нова година и ригорозни казни.
За досегашната работа на трговците, инспекторатот извршил над 500 вонредни инспекциски надзори. Издадени се 30 прекршочни платни налози во вредност од над 4 милиони денари.
Елизабета Митреска