Во ИЈЗ се вакцинираат здравствените работници против сезонски грип
Во изјава за медиумите при посета на Институтот за јавно здравје Таравари рече дека превентивата е најдобар начин за заштита од сезонскиот грип, особено за здравствените работници.
Министерот за здравство Арбен Таравари денеска прими вакцина против сезонски грип. Во изјава за медиумите при посета на Институтот за јавно здравје Таравари рече дека превентивата е најдобар начин за заштита од сезонскиот грип, особено за здравствените работници.
Досега, како што изјави, вакцинирани се околу 10.000 граѓани, а пријавени се околу 52.000 граѓани кои може да се вакцинираат во 36 пункта низ државата.
Ја користам приликата да ги повикам сите граѓани особено оние кои се во ранливите категории да ја примат оваа вакцина бидејќи со тоа се оневозможува да се појават компликации особено кај повозрасни луѓе кои имаат и други коморбидитети, рече Таравари.
Набавени се околу 70.000 вакцини за сезонски грип. Во Институтот за јавно здравје може да се вакцинираат здравствените работници, а таму се формирани и мобилни тимпови кои од денес ќе одат по здравствените установи.