ЕК утре ќе го усвои Пакетот извештаи за напредокот во процесот на проширување

Европската комисија на утрешното заседание на Колеџот на комесари треба да го усвои Пакетот на извештаи за напредокот на земјите кандидатки за членство во ЕУ, вклучително и Северна Македонија.

По усвојувањето, пакетот ќе биде официјално презентиран од страна на високиот претставник за надворешна политика и безбедност Жосеп Борел и еврокомесарот за проширување и соседска политика, Оливер Вархеји.

Во Извештајот се анализира напредокот постигнат од страна на земјите кандидати за членство во ЕУ, предизвиците со кои се соочуваат и реформите што треба да ги испорачаат.