Тридневна жалост по катастрофалните поплави

Шпанското знаме на половина копје-тридневна жалост во знак на почит на жртвите во катастрофалните поплави што го зафатија југоистокот на земјата. Црниот биланс продолжува да расте, додека спасувачките напори за изнаоѓање исчезнати продолжува. Во Валенсија и натаму има отсечени области, а над 150 илјади домаќинства се сè уште без струја. Теренот се расчистува, се прават проценки на штетите.

„Цел ден расчистуваме, едвај застанавме да јадеме“, вели жителка на Валенсија.

„Засега имаме струја, но не и чиста вода за пиење“, вели жител на Валенсија.

Премиерот Санчез во посета на најпогодените региони. Најави дека уништената инфраструктура ќе биде целосно обновена.