Одмрзнати цени, замрзната кошничка
Од денеска се пазари без есенска кошничка. Според граѓаните кошничката повеќе наликува на зимска, со повисоки цени, а според Министерството за економија – целта е постигната за намалени цени на 50-тина дена. Се најавуваат божиќна, рамазанска или велигденска кошничка но и ефекти од Законот за нефер трговски практики.
Истече времето на есенската кошничка која на 30 дена ги замрзна цените на 72 продукти. Граѓаните, денеска при набавката пресметуваа.
Според Министерството за економија и труд, целта е исполнета-цените на производите од есенската кошничка се намалиле во просек од 5 до 10 проценти. Кај лебот, маслото немаше промени, но забележителни биле кај месото, зеленчукот млечните производи. За четиричлено семејство заштедата била од 690 ден до 1.360 денари.
Се најавуваат божиќна, рамазанска и велигденска кошничка со различни производи за заштита на стандардот.
Овој месец се очекуваат ефектите од Законот за нефер трговски практики со кој се опфатени околу 2.500 производи. До Нова година ќе се следат цените, а потоа ќе стигнат и казни за трговците.
Елизабета Митреска