Коцевски тврди дека против него се води хајка
Превирања во Обвинителството. Републичкиот обвинител, Љупчо Коцевски тврди дека против него се води хајка. Случајот се актуелизираше по обвинувањата од Вишото обвинителство дека Коцевски вршел притисоци. Тој ги отфрли наводите и рече дека хајката започнала по извршените контроли.
Со Хајрулахи разговаравме за нарушените меѓучовечки односи во Вишото обвинителство и како да ги поправи – вели државниот обвинител Коцевски. Тој ниту ги потврди ниту ги демантираше тврдењата дека вршел притисок каква одлука да се донесе во случајот со бонусите на СЈО и рече оти не му е познато зошто скопскиот виш обвинител води хајка против него.
Хајрулахи пак вели оти не е во позиција да води хајка против шефот, но е дециден дека трпел притисоци.
Пред три недели Хајрулахи се пожали дека Коцевски му пуштил контрола, која според него е незаконска бидејќи обвинителите што ја спровеле немале по закон право да постапуваат, а наведе и дека е тенденциозна бидејќи со неа не се опфатени и пониските Обвинителства кои се под капа на вишото. Коцевски пак тврди дека надзорот е дел од редовната процедура.
Анита Димитријевска – Велковска