Денеска интензивни врнежи и грмежи
Од УХМР велат дека во попладневните часови ќе има поинтензивни процеси со услови за појава на невреме со град и силни електрични празнења...
Невремето од Западна Европа се пресели на Балканот. Ја погоди и Македонија. Денеска се очекуваат интензивни врнежи со грмежи и силен ветер.
Од УХМР велат дека во попладневните часови ќе има поинтензивни процеси со услови за појава на невреме со град и силни електрични празнења, особено во северните и североисточните делови каде се очекува да наврнат повеќе од 25 литри дожд на метар квадратен. Преку денот ќе дува умерен ветер од јужен правец кој во Повардарието повремено ќе се засилува.
Температурата ќе се движи од 25 до 32 степени.
Во Скопје во попладневните часови ќе има услови за локално невреме со град, силен ветер и силни електрични празнења. Температурата ќе достигне до 30 степени.