Блинкен во посета на Брисел за поддршка на Киев
Со претставниците на НАТО и на ЕУ ќе разговара за поддршката на Киев во обид да се забрза испораката на помош за Украина пред новоизбраниот американски претседател Трамп да ја преземе функцијата...
Американскиот државен секретар Блинкен во посета на Брисел. Со претставниците на НАТО и на ЕУ ќе разговара за поддршката на Киев во обид да се забрза испораката на помош за Украина пред новоизбраниот американски претседател Трамп да ја преземе функцијата. Шефот на алијансата Руте претходно, истакна дека европските сојузници и САД мора да се обединат и да ја зголемат поддршката, за Украина да го смени текот на конфликтот, наспроти извештаите за рускиот напредок на фронтот.
„Мораме да направиме повеќе отколку само да ја задржиме Украина во борбата. Треба да ги зголемиме трошоците за Путин и неговите авторитарни пријатели со што ќе и ја обезбедиме на Украина потребната поддршка за промена на траекторијата на конфликтот“, изјави Марк Руте – генерален секретар на НАТО.
Киев се надева на помош од партнерите за оружје со долг дострел наспроти неизвесната долга зима и стравувањата од нови руски напади врз енергетскиот систем.