СДСМ и ДУИ со критики за Буџетот
За СДСМ Буџетот е нереален, неразвоен и недомаќински. Најавија 200 амандмани. ДУИ исто така со критики за предложената државна каса...
Опозициските партии со критики за предложениот Буџет за следната година. За социјалдемократите тој е нереален, неразвоен и недомаќински. Тврдат ќе продуцира нови долгови. Проектираниот раст на БДП е нереален, бидејќи и Народна банка и Светска банка одат со многу пониски прогнози – рече лидерот на СДСМ Венко Филипче.
Според него се зголемуваат парите за непродуктивните трошоци, а има кратење во клучните сектори. Власта со својот прв Предлог-буџет постапува незаконски, со дефицит од 4% од БДП, спротивен на законските ограничувања кои дозволуваат максимум 3%, рече Филипче.
Филипче со став дека СДСМ нема да го гласа вака предвидениот Буџет. Имаат 200 амандмани.
Критики за предложената државна каса и од ДУИ.
Собраниската расправа за буџетот за 2025 почнува в четврток.
Миле А. Ристески