Болните од дијабетес бараат да се даде приоритет на нивната благосостојба
Болните од дијабетес му пишаа отворено писмо на министерот Таравари. На Меѓународниот ден на шеќерната болест, побараа да се даде приоритет на нивната благосостојба и да се обезбедат современи терапии. Според проценките, во Македонија околу 130 илјади луѓе живеат со оваа состојба, но има и многу недијагностицирани...
На 26-годишна скопјанка утрово шеќерот во крвта и беше 8,9. Според здравствените власти, сè што е над 5,4 мора да се контролира со матичен лекар.
Ова е аларм дека во аптеките на сметка на Фондот треба да има и антидијабетна терапија.
Мора да се прошири и позитивната листа со втората и третата линија на лекови кои им помагаат на пациентите со шеќер во крвта да ги сочуваат срцето, бубрезите и видот, реагираат ендокринолозите. На Клиниката за пластична хирургија изминативе 5-6 години енормно е зголемен бројот на ампутации на пациенти со дијабетично стапало.
Некои од пациентите откако ќе стигнат до операција дознаваат дека со години имале зголемено ниво на шеќер во крвта, а не се лекувале.
Наташа Јанчиќ Менковски