Назначен национален координатор

Актуелната директорка на Клиниката за детски болести,  д-р Аспазија Софијанова ќе биде национален координатор за трансплантација. На оваа функција е назначена на вчерашната владина седница. Заживување на кадаверичната трансплантација е приоритетна цел на д-р Софијанова. Наскоро  ќе бидат назначени  болничките  координатори на Карил, Нефрологија, Урологија. Нивна задача ќе биде да го помагаат процесот на донирање и пресадување органи. Потоа  ќе бидат назначени и координатори во клиничките болници. Ќе се направи и  национален регистар на потенцијалните органоприматели. Кадаверичната трансплантација ќе почне на Урологија со пресадување бубрег.

Соња Стојановска