Почина една од тешко повредените во несреќата во Нови Сад

Почина една од повредените при падот на настрешницата на железничката станица во Нови Сад. Информацијата ја потврди директорката на Клиничкиот центар на Војводина Весна Туркулов.

„Станува збор за пациентка со најтешки повреди. И покрај борбата и напорите на лекарите, дојде до смртен исход“, изјави Туркулов.

Продолжуваат напорите за спасување на животите на останатите двајца пациенти кои се на Клиничкиот центар од 1 ноември кога врз дваесетина луѓе се урна натстрешницата на влезот на Железничката станица во Нови Сад.