Втор пораз на младите ракометарки на СП

Младата женска ракометна  селекција  на Македонија  го претрпе и вториот пораз на Светското првенство што се одржува во нашата земја, овојпат од Аргентина со 24 :22. Натпреварот се одигра во салата Парк во Струмица и  беше неизвесен во сите 60 минути, а во двете полувремиња  јужноамериканките беа подобри  за по еден гол. Најдобра поединка беше Михаела Касасола со 8 погодоци, Росарио Урбан постигна 5, а кај Македонија најзабележителни беа Сара Ристовска со 6 гола, еден повеќе од Теодора Керамитчиева. Во дербито Данска беше подобра од Германија со 28 :24, а Романија убедлива над Узбекистан 42 : 22.

На табелата Данска и Романија водат со по 4 бода, пред Германија и Аргентина со по 2. Утре во 3 коло Македонија ќе игра против Романија, во мечот кој почнува во 17.15 часот. Претходно се среќаваат Данска и Аргентина, а во вечерниот термин Узбекистан и Германија.