Трамп објави повеќе номинации за челните позиции во неговата идна администрација

Новоизбраниот претседател Доналд Трамп објави дека ќе го номинира Скот Бесент за нов секретар за финансии и најави уште неколку назначувања за неговата нова администрација.

Бесент ги поддржуваше демократите во минатото, но стана силен поддржувач на Трамп. Милијардерот и поранешен директор на фонд на Сорос, го поддржува планот за зголемување на даночните олеснувања и рече дека тарифите првенствено ќе бидат насочени кон Кина.

Според американските медиуми, Трамп размислува да го назначи Ричард Гренел, неговиот поранешен шеф на разузнавањето, за специјален пратеник за конфликтот меѓу Русија и Украина.