Експертите бараат да се донесе Закон за задолжително учење и познавање на македонскиот јазик
80 години од прогласувањето на македонскиот јазик за службен. На одбележувањето, потсетување дека македонскиот јазик денес се соочува со повеќе предизвици. Експертите бараат да се донесе Закон за задолжително учење и познавање на македонскиот јазик како државен јазик од страна на сите нејзини граѓани и државјани…
Нов Закон за употреба на македонскиот јазик има, но засега како да останува само на хартија. И натаму има државни институции кои немаат вработено лектори.
Експертите бараат да се донесе Закон за задолжително учење и познавање на македонскиот јазик како државен јазик од страна на сите нејзини граѓани и државјани. Сепак, интересот за студирање на македонскиот јазик на универзитетите се намалува, ниските плати и можностите за вработување ги демотивираат студентите.
На Катедрата на македонски јазик оваа година се запишани 20 студенти. Од катедрата велат дека и не може да се очекува поголем интерес зашто бројот на матуранти драстично се намалува.
Филолошкиот факултет „Блаже Конески“ одбележа 80 години од прогласувањето на македонскиот јазик за службен.
Александра Спировска