Денеска почнува судењето на 36 годишната жена од Кратово за убиството на сопругот и свекорот

Денеска во Основниот суд во Куманово, почнува судењето на 36 годишната жена, која на 13 јуни во семејниот дом, за да се спаси од сопругот кој ја тепал и давел, со кујнски нож прво го прободела него, а потоа и свекорот.

Во судската постапка одбраната, треба да докаже дека таа, била жртва на семејно насилство, години наназад трпела физичка и психичка тортура и убиството го сторила за да се одбрани.

Нејзиниот адвокат, е убеден дека ќе ја докажат тезата дека обвинетата делувала во нужна одбрана, иако во текот на истрагата не успеаја да издејствуваат промена во правната квалификација и наместо убиство, да биде акт на самоодбрана.