Уставниот суд на 11-ти декември ќе одлучува за судбината на Законот за јазиците

Уставниот суд на 11 декември ќе одлучува за судбината на Законот за употреба на јазиците. Претходно, на 2 октомври беше откажана седницата на која требаше да се донесе одлуката, поради „чувствителноста на ситуацијата со укинувањето на балансерот“.

Овој предмет се состои од вкупно 13 иницијативи и политички партии, иницирани од ВМРО-ДПМНЕ, Левица, како и организации и професори од граѓанскиот сектор.

Пред неколку месеци, претседателот на Уставниот суд, Дарко Костадиновски најави дека ќе биде закажана седница на која ќе се разговара за укинување на три члена од Законот за примена на јазиците кои се однесуваат на албанскиот јазик. Иницијативата на Костадиновски беше директно поддржана од премиерот Христијан Мицкоски, но и од албанската коалиција ВЛЕН, која, како што велат, обезбедила законот да не биде укинат, туку само од некои членови. Според нив, тоа ќе ја отвори Пандорината кутија во државата.

Од друга страна, на укинувањето на овие членови од законот остро се противи Демократската унија за интеграција. Порачаа дека тоа се „игри со албанскиот јазик и балансерот како намерни сценарија на власта за провокација“. Партијата смета дека отворањето на вакви теми и секоја евентуална одлука во насока на кршење на механизмите и правата што произлегуваат од Охридскиот договор, не е ништо друго освен враќање на Македонија во времето пред Охридскиот договор. Овие изјави и постапки се вистинските сценарија за провокација и јасно покажуваат кои се тие што сакаат и предизвикуваат меѓуетнички тензии.