ОУ „Лазо Ангеловски“ го прекина бојкотот, учениците утре продолжуваат со настава

Прекинат е бојкотот во ОУ „Лазо Ангеловски“ во Аеродром. Учениците утре се враќаат на настава.

Ваква одлука донесе Советот на родители на училиштето, откако го прифати понуденото решение, проблематичниот третоодделенец, наставата до крајот на првото полугодие да ја продолжи онлајн.

Во меѓувреме, комисија со претставници на Центарот за социјални работи ќе ја следи состојбата, а стручни лица ќе работат со детето и со неговото семејство.