Борби наспроти мировни напори

Интензивните борби во Украина продолжуваат. Руските сили се обидуваат да го заземат Курахов во Доњецката област. Жестоко и на фронтот во Курск. Најмалку 30 севернокорејски војници се убиени-тврди Киев. Зеленски вели дека догодина мора да завладее сигурен мир. Во Брисел усвоен 15-иот пакет санкции за Русија.

„Колку се потешки санкциите за Русија, толку побрзо ќе се вклучат во вистинска дипломатија. Следната година треба да биде време на мир – траен мир. Благодарен сум на сите партнери кои помагаат. Силната и координирана работа е најважна работа“, изјави Володимир Зеленски, претседател на Украина.

Не се согласуваме со „шеми“ за замрзнување на конфликтот-вели рускиот амбасадор во ООН. Новоизбраниот американски претседател Доналд Трамп изјави дека има намера да разговара со рускиот колега Путин, за да се запре војната во Украина, но посочи дека и Зеленски треба да се подготви за склучување мировен договор.