Реакции по кривичните пријави против поранешни владини функционери

Евроамбасадорот Михалис Рохас резервиран во коментирање на кривичните пријави против поранешни функционери во Владата. Посочува дека треба органите да си ја завршат работата. Но, и дека правдата треба да излезе на виделина.

„Во оваа фаза немаме коментар. Мислам дека треба да дозволиме на судството и Јавното обвинителство да продолжат со истрагата и треба да оставиме правдата да зборува сама за себе“, изјави евроамбасадорот Рохас.

Некогашниот сопартиец на Груби, а сега прв вицепремиер во владата, Изет Меџити кусо коментира: „Никој не е пред законот“.

ДУИ по претресите за случајот „Лотарија“ излезе со став дека ВМРО-ДПМНЕ ги инструментализира институциите, а пак премиерот Мицкоски порача дека сите криминали без естрада ќе бидат објавени и процесуирани.

Минатата недела Стејт департментот објави дека некогашниот висок владин функционер Артан Груби е ставен на црната листа на САД, заедно со судијата Беџети.

Груби влијаел во судството, а тоа го забележале и Американците, за што имаат докази кои нема да ги споделат со јавноста, но побараа институциите да си ја завршат работата.

Миле А. Ристески