Нов лик на поликлиниката „Букурешт“

По педесетина години ова е прва темелна реконструкција на поликлиниката „Букурешт“. Во овој здравствен дом циркулираат најголем број на граѓани, дневно здравствена грижа им се нуди на повеќе од две илјади граѓани

„Благодарност до Влладата и ресорното министерство коешто започна со реконструкција на јавни здравствени установи и токму поликлиника „Букурешт“ беше ставена во план за реконструкција, и истата комплетно е завршена во времето во кое беше планирано до пет месеци. Објектот беше подлежен на комплетна реконструкција во внтарешниот дел, станува збор за пет илјади и петстотини метри квадратни, во делот на подови, ѕидни површини, ентериерно комплетно уредување и седум илјади метри квадратни партерно уредување“, изјави д-р Татјана Баевска - Вучковиќ, директор на Здравен дом Скопје.

„Ги следиме потребите на граѓаните и актуелните состојби во медицината во однос на медицинската опрема, бидејќи за да бидеме ефикасни, секако ни се потребни кадар, простор и опрема. Во тек на изниматите години постојано се набавува опрема. Минатата година се набавија дерматоскопи за кожниот кабинет, се набави ендоскоп за кабинетот за уво, нос и грло, кој оваа огдина е опремен со нов риноларингоскоп, којшто има неинвазивна дијагностика во однос на болестите на овој систем. Во тек е постапка за нова медицинска опрема, кадешто кабинетот за физикална медицина, кој прв е формиран во Здравствен дом Скопје, ќе биде освежен со комлетна замена на севкупната апаратура за физикална терапија, а исто така кабинетот ќе биде опремен со нов современ апарат шок- вејв за аналгетски третман и разбивање на калцификати“, рече д-р Татјана Баевска - Вучковиќ, директор на Здравен дом Скопје.

Во реконструкцијата на поликлиниката инвестирани се 24 милиони денари буџетски пари.

„Она што е во тек а сеуште не е завршено е набавка на лифт, имајќи во предвид дека овој објект нема лифт, а има доста постари лица коишто доаѓаат да ги користат здравствените услуги во оваа здравствена институција и затоа се одлучивме со менаџментот во установата да се инсталира лифт, надоврешен, којшто ќе биде готов до крајот на оваа година“, изјави министерот за здравство, Никола Тодоров.

Андријана Атанасовска