Пентагон потврди двојно повеќе војници во Сирија

Пентагон соопшти дека има 2.000 американски војници во Сирија, што е двојно повеќе од 900-те претходно потврдени. САД ги удвоиле силите за да се борат против групата Исламска држава пред соборувањето на владата на претседателот Башар Асад.

„Тие сили беа насочени кон поразот на мисијата на ИСИС. Овие дополнителни сили се назначени за ротација за да ги исполнат барањата на мисијата. Додека основните 900 се на подолгорочно распоредување“, изјави генерал-мајор Пет Рајдер, портпарол на Пентагон.

Администрацијата на претседателот на заминување Џо Бајден најави дека американските војници ќе останат во Сирија. Според американски медиуми, новоизбраниот претседател Доналд Трамп може да ги повлече кога ќе ја преземе функцијата на 20-ти јануари.