Панама ги отфрли заканите на Трамп дека САД ќе ја вратат контролата врз Панамскиот канал

Претседателот на Панама, остро ја отфрли заканата од новоизбраниот американски претседател Доналд Трамп да ја врати контролата врз Панамскиот канал доколку не се намалат транзитните такси, особено за американските бродови.

Шефот на панамската држава рече дека Панама ги почитува другите нации и бара почит. Изрази надеж дека со новата американска влада ќе ги зачува и одржува односите со почит.

Трамп ја обвини Панама дека наплаќа превисоки цени на американските бродови и побара од централноамериканската земја да ги намали таксите или да го врати каналот под контрола на САД.