Штајнмаер го распушти Бундестагот, парламентарни избори во Германија на 23 февруари

Германскиот претседател Франк-Валтер Штајнмаер нареди распуштање на парламентот и закажување нови избори за 23-ти февруари, по падот на владината коалиција на канцеларот Олаф Шолц.

На Шолц му беше изгласана недоверба на 16-ти декември, откако неговата трипартиска коалиција се распадна во ноември.

Лидерите на неколку големи партии тогаш се согласија, парламентарните избори да се одржат на 23-ти февруари, седум месеци порано од првично планираното.