Администрацијата ќе се реформира, се размислува за нејзино намалување
Департизација на јавната администрација, транспарентни огласи за вработување на стручни кадри најавува министерот Минчев. Четири законски решенија се поставени на ЕНЕР, чекаат стручно мислење. Министерството за администрација најави ќе се укинува и Инспекцискиот совет...
Јавната администрација ќе се реформира, четири нови закони ќе стават крај на партизацијата – тврди министерот Минчев. Вели по Нова година, ќе се објават огласи за вработување и усогласување на платите со Општиот колективен договор.
Минчев најави зголемување на платите на административните службеници од 1-ви март, за 8%. Уверува дека ќе се стави крај на практиките на политичко влијание врз вработувањето и функционирањето на институциите, приемот на нови кадри ќе се темели на заслуги, компетенции и професионалност.
Ќе се укине постоењето на Инспекцискиот совет како правен субјект и ќе се потврди заложбата на Владата за намалување на дел од функционерските позиции.
Јавната администрација мора да се реформира, а во текот на наредниот период ќе се вработуваат исклучиво професионалци, најави министерот Минчев. Според него во текот на наредниот период администрацијата во никој случај нема да се партизира.
Борис Грујоски