Протести за враќање на преостанатите заложници на Хамас во Газа

Толпа граѓани се собраа во Тел Авив во саботата со барање да се вратат преостанатите заложници на Хамас во Газа. По неколку месеци ќор-сокак, Израел и Хамас се чини дека се приближуваат кон прекин на огнот за ставање крај на 14-месечната војна.

САД, Катар и Египет продолжија напорите за посредување претходно месецов и известија за поголема подготвеност на завојуваните страни да склучат договор. За време на нападот на Хамас врз јужен Израел во октомври минатата година, милитантите зеле околу 250 луѓе како заложници и ги донеле во Газа.

„Државата Израел мора да ги врати живите киднапирани, но не само нив, таа е обврзана и да ги врати оние кои повеќе не се живи. Ова не е само морална и етичка обврска, тоа е должност на државата. Во светлината на вредностите врз кои е изградена, дојде време да се осврнеме и на нив, со акцент и на паднатите војници кои се бореа за нас и беа турнати на дното“, вели брат на израелскиот војник.

„Денеска сум овде не само за киднапираните, не само за татко ми, туку и за мојата земја. На ранетата и раскрвавена земја на која и треба светлина, на која и требаат чуда“, вели ќерка на заложник.