МВР распиша меѓународна потерница по Васко Ковачевски

Министерството за внатрешни работи (МВР) распиша меѓународна потерница по поранешниот директор на ЕСМ, Васко Ковачевски. Основното јавно обвинителство за гонење на организиран криминал и корупција денеска го прими Решението на судијата на претходна постапка при Основниот кривичен суд – Скопје, со кое предлогот за определување мерки за претпазливост против осомничен во предметот „Адитив“ се отфрла. Според обвинителството, осомничениот не е достапен на органите на прогонот.

Истрагата за случајот „Адитив“ започна на 10-ти овој месец, а опфаќа 23 физички и четири правни лица. Се сомнева дека тие сториле кривични дела против јавните финансии, платниот промет, стопанството, службената должност и правниот сообраќај.